Cuireadh NextGenerationEU ar bun chun an damáiste eacnamaíoch agus sóisialta a rinneadh de dheasca phaindéim COVID-19 a dheisiú. Trí na tionscadail infheistíochta a maoinítear leis, tá an tAontas Eorpach ag leagan síos an treoirphlean le haghaidh todhchaí níos glaise, níos digití agus níos athléimní.
Is í an tSaoráid Téarnaimh agus Athléimneachta (RRF) croílár an phacáiste spreagtha ollmhór seo – an ceann is mó a maoiníodh riamh san Eoraip – trína leithdháiltear an chuid is mó den mhaoiniú i bhfoirm iasachtaí agus deontas.
Cistí a leithdháiltear trí Rialachán RRF
Tá Pleananna Náisiúnta cuimsitheacha Téarnaimh agus Athléimneachta (RRPanna) forbartha ag gach tír san Aontas darb aidhm maoiniú NextGenerationEU a leithdháileadh ar a riachtanais shonracha. Tá na cistí sin dírithe ar réimse éagsúil tionscadail infheistíochta agus tionscnaimh infheistíochta, a bhfuil go leor acu curtha i gcrích cheana féin.
Ó fharadh cábla grianchumhachtaithe faoin tuath sa Chróit go dtí bonneagar rothaíochta nuachóirithe ar fud thuaisceart na Beilge, tá athrú dearfach á chur chun cinn ag NextGenerationEU sa lá atá inniu ann agus tá an t-ullmhúchán á dhéanamh le haghaidh todhchaí níos inbhuanaithe, ina bhfuil sé phríomhréimse fócais:
- An t-aistriú glas
- An t-aistriú digiteach
- Comhtháthú sóisialta agus críochach
- Beartais don chéad ghlúin eile
- Fás cliste inbhuanaithe cuimsitheach
- Sláinte agus athléimneacht eacnamaíoch shóisialta institiúideach
Le hinfheistíocht sna réimsí sin, cruthófar poist agus spreagfar fás in earnálacha ríthábhachtacha den gheilleagar atá dírithe ar an todhchaí. Cuideoidh sé le hEoraip níos digití a thógáil, agus san am céanna tacóidh sé leis an aistriú chuig fuinneamh níos glaine agus leagfaidh sé síos an bealach chun an aeráidneodracht a bhaint amach faoi 2050.
I dteannta a chéile, tá sé léirithe againn go mbaintear torthaí amach nuair a bhíonn an Eoraip ceannasach. Níl deireadh lenár gcuid oibre go fóill, ach a mhalairt ar fad, mar sin seasaimis le chéile. Déanaimis beart de réir ár mbriathair inniu agus ullmhaímis don lá amárach.
Déan monatóireacht ar dhul chun cinn gach tíre leis an Scórchlár Téarnaimh agus Athléimneachta agus faigh léargas ar thionscadail a mhaoinítear i ngach Ballstát. Féach ar ár léarscáil idirghníomhach thíos chun sonraí sonracha a fháil faoi thionscadail i do réigiún féin:
Is mar eolas amháin a chuirtear an léarscáil ar fáil. Ní bunachar sonraí cuimsitheach í faoi na tionscadail a mhaoinítear leis an tSaoráid Téarnaimh agus Athléimneachta. Ní léiríonn an léarscáil dáileadh na dtionscadal arna maoiniú ag an tSaoráid Téarnaimh agus Athléimneachta ar fud an Aontais Eorpaigh, ná sna limistéir nó earnálacha geografacha éagsúla laistigh de na Ballstáit. Na méideanna den mhaoiniú ón tSaoráid a thaispeántar le haghaidh na mbeart, tá siad bunaithe ar na meastacháin ar chostais tosaigh a áirítear sna Pleananna Téarnaimh agus Athléimneachta.
Ina theannta sin, an liosta de na tionscadail a thaispeántar, tá sé gan dochar d’aon mheasúnú a dhéanfadh an Coimisiún amach anseo maidir le fíorú a dhéanamh ar chomhlíonadh sásúil na spriocanna agus na gcloch míle de bhun Rialachán (AE) 2021/241 ó Pharlaimint na hEorpa agus ón gComhairle lena mbunaítear an tSaoráid Téarnaimh agus Athléimneachta.
NextGenerationEU i mbun gnímh
Ó mhí Feabhra 2024 i leith, tá an Coimisiún Eorpach ag comhoibriú go díreach lena Ionadaíochtaí i roinnt tíortha san Aontas chun aird a tharraingt ar thionchar na dtionscadal arna maoiniú ag NextGenerationEU i bpobail áitiúla, trí fheachtais chumarsáide áitiúla. Leis na feachtais áitiúla sin, táthar ag féachaint le dul i dteagmháil go díreach le saoránaigh agus le tairbhithe tionscadail, agus leas á bhaint as bealaí éagsúla chun na nuálaíochtaí agus an bonneagar atá á gcur ar bun ar bhonn intíre don todhchaí a léiriú le cabhair ó NextGenerationEU.
NextGenerationEU projects
With an €11 million funding contribution made through NextGenerationEU, Latvia has launched a comprehensive initiative to distribute laptops to schools nationwide. The project is one of the country’s flagship efforts to help bridge the digital divide.
Cuireann ionad árasán seirbhísithe Žarova in Velenje na Slóivéine, atá á chómhaoiniú trí NextGenerationEU, bealach maireachtála sábháilte neamhspleách ar fáil do sheanóirí ina bpobal féin, rud is sampla de réitigh nuálacha i réimse an chúraim shóisialta do chónaitheoirí agus iad ag dul in aois.
Mar chuid dá tosaíochtaí náisiúnta, tá an tSeicia ag infheistiú maoiniú €360 milliún ó NextGenerationEU chun fuinneamhéifeachtúlacht stoc tithíochta na tíre a fheabhsú. Tá cónaitheoirí i mbloc árasán in Frýdek-Místek ag baint leas as na buntáistí go díreach.