NextGenerationEU: chun gur láidre agus gur athléimní a bheidh an Eoraip
Le NextGenerationEU, táthar ag cur borradh faoi gheilleagar na hEorpa agus tá ár sochaithe níos láidre agus níos athléimní dá bharr. Tá torthaí follasacha á mbaint amach aige do mhuintir na hEorpa a bhuí leis an iliomad tionscadal a bhaineann leis. Is é an pacáiste spreagtha is mó riamh a rinneadh san Aontas é a bhfuil ceannaireacht á tabhairt le dea-shampla aige. Tá an treoirphlean á leagan síos aige do shamhail nua fáis atá bunaithe ar gheilleagar glan nuálach cuimsitheach agus ar cheannasacht dhigiteach agus teicneolaíochta.
- Trí infheistíocht a dhéanamh sa chúram sláinte, tá NextGenerationEU ag cur le sochaí níos cothroime agus níos comhbháiche, sochaí a bheidh in ann aghaidh a thabhairt ar na dúshláin atá romhainn.
- Trí thacú le hoideachas agus scileanna, tá sé ag cur le hullmhú ár lucht saothair le haghaidh deiseanna nua i ndomhan atá faoi thionchar na teicneolaíocht
- Trí chúnamh a thabhairt dár FBManna agus dár bhfiontraithe óga, cothaíonn sé nuálaíocht, cruthaíonn sé poist agus spreagann sé fás don todhchaí.
Trí infheistíocht a dhéanamh i dtodhchaí na hEorpa, fíoraímis í le chéile
Agus iasachtaí agus deontais á gcur ar fáil do na Ballstáit tríd an tSaoráid Téarnaimh agus Athléimneachta (RRF), tá infheistíocht á déanamh ag NextGenerationEU i sraith réimsí criticiúla. Ina measc sin tá:
- An t-aistriú glas
- An t-aistriú digiteach
- An comhtháthú sóisialta agus críochach
- Beartais don chéad ghlúin eile
- Fás cliste inbhuanaithe cuimsitheach
- An tsláinte agus athléimneacht eacnamaíoch shóisialta institiúideach
Ar fud na hEorpa, tá cuid mhaith tionscnaimh atá maoinithe ag NextGenerationEU curtha i gcrích cheana féin, agus tá tionscnaimh eile fós ar siúl. Chun monatóireacht a dhéanamh ar an dul chun cinn atá déanta ag gach tír maidir le cur i bhfeidhm na dtionscadal mar atá leagtha amach ina bPleananna Náisiúnta Téarnaimh agus Athléimneachta, féach ar ár Scórchlár Téarnaimh agus Athléimneachta.
Cistí a leithdháileadh trí Rialachán RRF
NextGenerationEU gar duit féin
Sheol an Coimisiún Eorpach roinnt feachtais chumarsáide chun tairbhí NextGenerationEU a chur chun cinn. Sheol an Coimisiún feachtas nua uile-Aontais ar fud na mBallstát i mí Eanáir 2025, agus go leor tionscadal curtha i gcrích nó ar siúl cheana féin. Díríonn sé ar neart agus athléimneacht fheabhsaithe i réimsí an oideachais agus scileanna, go háirithe gnó agus cúram sláinte.
Ó mhí Feabhra 2024 i leith, tá go leor feachtais áitiúla ar siúl chun an tionchar dearfach a bhí ag na tionscadail arna maoiniú ag NextGenerationEU ar phobail áitiúla a léiriú do na saoránaigh.
I dteannta a chéile, tá sé léirithe againn go mbaintear torthaí amach nuair a bhíonn an Eoraip ceannasach. Níl deireadh lenár gcuid oibre go fóill, áfach, mar sin seasaimis le chéile. Déanaimis beart inniu, agus réiteoimis an bealach don lá amárach.
Féach leat na tionscadail i do thír féin
Is féidir leat monatóireacht a dhéanamh ar dhul chun cinn gach Ballstáit leis an Scórchlár Téarnaimh agus Athléimneachta nó le 27 Léargas de réir Tíre de chuid an Choimisiúin Eorpaigh, agus léargas a fháil ar thionscnaimh atá ar siúl nó atá curtha i gcrích cheana féin. Ina theannta sin, is féidir leat féachaint ar ár léarscáil idirghníomhach le haghaidh sonraí sonracha maidir le tionscadail i do réigiún féin:
Is mar eolas amháin a chuirtear an léarscáil ar fáil. Ní bunachar sonraí cuimsitheach í faoi na tionscadail a dtacaíonn an tSaoráid Téarnaimh agus Athléimneachta leo. Ní léiríonn an léarscáil dáileadh na dtionscadal arna maoiniú ag an tSaoráid Téarnaimh agus Athléimneachta ar fud an Aontais Eorpaigh, ná sna limistéir nó earnálacha geografacha éagsúla laistigh de na Ballstáit. Na méideanna den mhaoiniú ón tSaoráid a thaispeántar le haghaidh na mbeart, tá siad bunaithe ar na meastacháin ar chostais tosaigh a áirítear sna Pleananna Téarnaimh agus Athléimneachta.
Ina theannta sin, tá an liosta de na tionscadail a thaispeántar gan dochar d’aon mheasúnú a d’fhéadfadh an Coimisiún a dhéanamh amach anseo maidir le fíorú a dhéanamh ar chomhlíonadh sásúil na spriocanna agus na gcloch míle de bhun Rialachán (AE) 2021/241 ó Pharlaimint na hEorpa agus ón gComhairle lena mbunaítear an tSaoráid Téarnaimh agus Athléimneachta.
Tionscadail NextGenerationEU
Every year, wildfires wreak havoc in vulnerable areas of the Portuguese countryside. As part of enhanced fire suppression efforts, the country has invested €89 millions of NextGenerationEU funding in resources and equipment, among which aerial assets for the Portuguese Air Force.
- Location
- Portugal
I réigiún na Vallúine i ndeisceart na tíre ina labhraítear an Fhraincis, tá €6 mhilliún de mhaoiniú NextGenerationEU curtha i leataobh ag an mBeilg chun saoráidí cúraim leanaí a thógáil agus a athchóiriú. Is éard is aidhm don phlean feabhas a chur ar an soláthar cúraim leanaí do theaghlaigh atá ag obair, rud a chruthóidh sochaí níos cothroime do chách.
- Location
- An Bheilg
Trí raon tionscnamh ar fud na tíre, tá an Iodáil ag cur €500 milliún de mhaoiniú NextGenerationEU ar fáil do scéimeanna a chuireann borradh faoi neamhspleáchas agus scileanna daoine faoi mhíchumas. Tríd an méid sin a dhéanamh, tá dul chun cinn suntasach á dhéanamh ag an tír i dtreo cuimsitheacht níos mó.
- Location
- An Iodáil